Charte de l'Archevêque Humbert de Scey rappelant la fondation de Bellevaux par les La Roche au printemps de 1119.(issu de la Roche et l'Epopée Comtoise de Grèce, Jean Girard, Atelier du Grand Tétras 1998 )
Humbertus, dei gratia bisuntinus Archiepiscopus. Cum innumeris undique concussionibus ecclesiarum jura saepius inquietari videamus, et plurimorum mentes ad malum promptiores indubitanter esse cognoscamus, unde qualiter ecclesiae B. Mariae semper virginis quae in Bellavalle sita est exordium sumpserit, memoriae intimare non incongruum duximus monachi morimundenses, religionis augendae studio territorium bisuntinae diocesis adeuntes, animati a domino Pontio de Rocha et fratribus ejus ac matri, exterisque ejusdem castri militibus quatenus apud illos secundum B. Benedicti regulam et ecclesiae cistercii propositum, aptum abbatiae aedificandae locum diligerent, praedictae Bellevallis heremum petierunt anno reparatae salutis millesimo centesimo decimo nono, undecimo calend... aprilis' ; qui locus cum confinio duarum villarum Camburniaci scilicet ac Ciriaci haberetur, partis utriusque possessores quae sua inibi fuerant monachis, ibidem ad omnipotentis Dei et matris misericordiae servitium attitulandis libere concesserunt. Camburniacenses siquidem quorum allodium paris una fuerat, monitu atque consilio domini Stephani de Treva et praedicti Pontii de Rocha, per manum predecessoris mei piae memoriae Anserici de M. Archiepiscopi. Terminum posuerunt, sicut via ducit per Bullenteis et Fageto ad Bellam Quercum usque ad terram de Cirei, et sicut mons aquam fundere videtur versus ecclesiam usque ad flumen. Milites vero ciriacenses Evrardus et Bernardus et mater Pontii, laudante Richardo de Montefalconis, a quo tenebant, dederant sicut mons fundit aquam a supradicta via Bellae Quercum usque ad rirvulum veteris pomarii, ubi crux posita est, et inde per mediam Vavram, usque in flumen ; sed et utrique in suis finibus, pascuarum, nemorum, aquarum omniumque necessariorum usum monachis concesserunt.
Testes utriusque donationis, Stephanus de Treva et Pontius de Rocha, Bernardus de Bucia.
Document non daté mais estimé de 1135.  |
Forum sur l'Histoire Médiévale de la Bourgogne et de la Franche-Comté 
M'inscrire 
Me connecter 
Mot de passe oublié 
Retour au forum
